Nire bizitzako 10 kanta esanguratsu

Kaixo guztioi, Genial.ly-rekin, hezkuntza-edukia sortzeko unean dagoen tresnarik interesgarriena, asko gustatu zitzaidan "diseinu interaktiboen" txantiloi bat, eta ikasleen gustu musikalez, haien bizitzako abesti esanguratsuenez eta haien eguneroko musikaz hitz egiteko jarduera txulo bat bururatu zitzaidan.

Jardueraren izenburua "Nire bizitzako 10 abesti esangusatsu" da, eta abestiak esanahiaren arabera hausnartzean eta hautatzean datza, eguneroko zer unetan entzuten ditugun edo zer pertsona gogorarazten dizkiguten kontuan hartuta. 

Ikasleak abestiak aukeratzen dituenean, Youtuben bilatuko ditu eta, ondoren, txantiloiarekin egingo du lana Genial.ly. aplikazioan. Horretarako, txantiloiko ikono bakoitzean leiho bat gehituko da, URL-a kodea itsasteko. Horrela, ikonoan klik egiten denean, berriro irekiko da leiho hori, bideo musikalarekin batera. 

Hauek dira lanean sartu beharreko 10 abesti nagusiak:

• Ikasteko abestirik onena
• Dantzarako abestirik onena
• Bidaiatzeko abestirik onena
• Abestirik alaiena
• Abestirik tristeena
• Abesteko abestirik onena
• Kanturik erromantikoena
• Lagunak gogorarazten dizkidan abestia
• Familia gogorarazten didan abestia
• Nire soinu-banda gogokoena

ADIBIDEA

Genial.ly tutoriala

Oroitzapenezko txartelak eta kartelak

Musikagile baten urteurrena denean, 2.0 jarduera txiki bat proposatu nahi dizuet, musikagile horren munduan murgiltzeko eta, bide batez, 2.0 tresna batzuen erabilerarekin gaitasun digitala lantzen hasteko. Musikagile hori hobeto ezagutuz (bizitza, musika-lanak, irudiak...) musika ondarea gehiago baloratuko dugu.

Ikasleek Pizap tresnarekin collage bat sortuko dute. Gogoan izan Pizap bikaina dela argazkiak online editatzeko eta collageak, Facebookeko edo Twitterreko denboralerroak, etab. sortzeko. 

Pizap online aplikazioaren web orria: PIZAP

ADIBIDEA: Beethoven

MusikTuberra naiz

Musika-tresnen gaia jorratzeko bideoklip bat sortuko duzue. Horretarako, hainbat aplikazio eskuragarri dituzue baina gaur egun erabilgarrienetariko bat CANVA izan daiteke.

Hautatu gustuko duzun musika-tresna bat (orkestrakoa edo Euskal Musikan erabilia izan daiteke) eta horren inguruan bideo bat sortuko duzu.

Canvan eginez gero, "Video" hautatu eta eskatutako osagaiak gehitu:

Bideoaren osagaiak:

1. AZALA: Musika-tresnaren izena eta zure izen-abizena eta taldea.

2. Musika-tresnari buruzko 3 IRUDI (zaindu kalitatea)

3. Musika-tresnari buruzko BIDEOA: bideoan musika-tresna ikusi eta entzun behar da. Youtubeko bilatzailea Canvan kargatu daiteke ("Apps" ezkerreko menuan / Youtubeko ikonoa bilatu, sakatu eta bilatzailea gehituko da.)

4. Musika-tresnaren ZURE AURKEZPENAREN BIDEOA: 

- Ikerketa lan egin beharko duzu eta prestatu gidoia ondoren irakurri ahal izateko. 

- Minutu bateko bideo batean musika-tresnaren ezaugarriak, jatorria, bitxikeriak... azaldu beharko dituzu. Gidoia irakur dezakezu, baina ahozkotasuna eta azaltzeko era oso garrantzitsuak izango dira, beraz ONDO ENTSAIATU grabatu baino lehen.

- CANVAN bertan grabatu ahal duzu: Subidos [ezkerreko menuan] / Grabarme / Onartu kamararen eta mikrofonoaren erabilera. Behin grabatuta "Guardar y salir" sakatu eta bideoa zuen proiektuan kargatuko da.

Bideo osoaren iraupena: 1:30 minutu inguru 

Entregatzeko prozedura: Canvatik zuzenean nirekin partekatu [Compartir / Eman baimena ikusle bezala "Ver"]

PROIEKTUAREN ADIBIDEA: "Ukelelea"

Ebaluazio-irizpideak

- Eskatutako osagai guztiak erabiltzea.

- Musika-tresnari buruzko aurkezpena zuzena eta era egokian aurkeztua izan da (ahozkotasuna: abiadura lasaia, argia...)

- Irudien eta bideoaren zuzentasuna zaintzea.

- IKT aplikazioen erabilera zuzena egitea.

- Diseinua zaintzea (koloreak, testua, transizioak...).

Animo artistak!!!!

Gorputz perkusioa

Youtubeko hainbat kanalen bideoak gorputz perkusioan aritzeko:

PASS THE SOUND

Warm up

Countign as a group

MR. NOE

Jerusalem Afro (Cup song)

Uptown funk (Ball percussion)

Believer 

Mistletoe

PERCURIOSITAT

Odi Act

ODI ACT bildumaren musika-lanak perkusiozko musika tresnekin interpretatzeko:

Freylech / Lassus Trombone / Ragtime

https://nagos19.wixsite.com/goikolanda-music/odi-act---partiturak-6-maila

Gavota / Borodine / Prokofiev:

https://nagos19.wixsite.com/goikolanda-music/odi-act---partiturak-4-maila

Delalande / Bufones

https://nagos19.wixsite.com/goikolanda-music/musikogramak-2-maila

Escala / Volta / Polka Etter

https://nagos19.wixsite.com/goikolanda-music/odi-act---partiturak

Mozart

https://musiqueandoenelcole.wixsite.com/musica/marcha-turca-mozart

Canva

Canva aplikazioa baliabide multimedia sortzeko erabili ahal dugu, bideoak, argazkiak, estekak... txertatu ditzakegu.

CANVA aplikazioan sartzeko 

Canvan aritzeko oinarrizko jarraibideak:

1. Kontua sortu. Horretarako, klikatu SIGN UP (REGISTRAR) eta zure institutuko Gmail kontua erabili.

2. "Poster" aukera hautatu

3. Ezkerreko menuaren baliabideak aztertu:

• Plantillas (Templates): Posterreko egitura hautatzeko. Hutsik ere has zaitezkete eta ondoren osagaiak gehitu.

• Subir (Upload): ordenagailura deskargatutako irudiak igotzeko. SUBIR ARCHIVOS eta ondoren DISPOSITIVO hautatu ordenagailuko karpetan sartzeko.

• Elementos: Stickerrak eta beste apaingarriak gehitzeko.

• Texto (Text): Izenburua, azpititulua eta idazlana gehitzeko.

• ... Mas: Youtubeko bilatzailea gehitzeko, estekak gehitu ahal izateko...

Youtubeko bilatzailea gehitzeko sakatu ikonoan eta ondoren "CONECTAR"

Estekak (URL-ak) gehitzeko sakatu INSERTAR ikonoan eta ondoren itsatsi web orriaren URL-a (adibidez: http://www.euskonews.eus/zbk/536/gaiak-kutsadura-akustikoa/ar-0536020006E/) eta AGREGAR AL DISEÑO

4. NIRE ETXEKO SOINU-PAISAIA proiektua:

• Izenburua, zure izen-abizena eta taldea
• Egindako idazlana kopiatu posterrean
• Kutsadura akustikoarekin lotutako BIDEO bat
• Kutsadura akustikoarekin edo idazlanaren gai batekin lotutako IRUDI bat
• Kutsadura akustikoarekin lotutako WEB ORRI bat (egunkari baten berria, gaiari buruzko testu edo ikerketa bat)

ADIBIDEA

5. Zelan bidali lana?

Goikaldeko COMPARTIR (Share) aukeran sakatu eta ondoren idatzi nire posta elektronikoa (Musika txostenaren portadan duzue).

WeVideo

Bideo edizioaren oinarrizko edukiak eta prozedurak

Bideo-edizioa oinarrizko proiektua bat egiteko WeVideo online aplikazioa oso erreza da.

Aplikazioan sartzeko sakatu hemen: WeVideo

• Erregistratu behar duzue: institutuko Google kontua erabili.

• Dohako bertsioa aukeratzeko sakatu EDUCATION ondoko arkatzean:

Behean hautatu "Try for 30 days free!"

Ondoren sakatu GOOGLE ikonoan eta zure kontuaren datuak sartu:

Zure postara KODIGO bat bidaliko dizute kontua aktibatzeko. Ireki korreo hori eta kopiatu/itsatsi kodigo hori lauki zurian eta SUBMIT.

Erregistroa behin eginda, 30 eguneko doako probako bertsioa duzue.

Zer erabil dezaket bideo bat sortzeko?

• Irudiak
• Bideoak (aldez aurretik eginak edo grabatuak Wevideoarekin)
• Testuak 
• Audioak (ahozko narrazioak, musika...)
• Efektuak: marrazkiak, tranzisioak, animazioak...

Bideoa editatzeko aplikazioetan prozedura oso antzekoa da: denbora-lerroan osagaiak bata bestearen atzean jartzen dira, puzzle bat bezala. Goiko-eskuineko pantailan emaitza ikus daiteke eta ezkerrean dagoen hasierako menuan beste elementuak (testua, irudiak, bideoak, efektuak...) daude.

• MY MEDIA: 

1. IMPORT: irudiak, bideoak, audioak igotzeko
2. RECORD: Zuzenean bideo bat grabatzeko
3. NARRATE: Zuzenean narrazioa (audioa bakarrik) grabatzeko

• TEXT: Azala, izenburuak, azpitituluak gehitzeko...
• AUDIO: Soinu-banda gehitzeko eta editatzeko
• TRANSITIONS: Osagaien arteko aldaketak egituratzeko 
• BACKGROUND: Fondoak hautatzeko

• IMPORT: nahi dituzun osagaiak igotzeko (irudiak, bideoak...). Aldez aurretik irudiak eta bideoak deskargatuta eta gordeta izan behar dituzu zure ekipoan. Ez badakizu zelan deskargatzen diren bideoak Youtubetik, hona hemen aplikazio erraz baten azalpena: Save from net 

• Beheko denbora-lerroan kokatu behar dituzu (klikatu gainean eta irristatu nahi duzun lekura) nahi duzun ORDENEAN. Adibidez: Hasierako azala, argazkia, aurkezpena, argazkia, ahozko aurkezpena, bideoa... amaierako tituluak.

• 
• 
  
• Osagai bat MOZTEKO klikatu gainean (ertza laranjaz jarriko da) eta lerro bertikal urdina mugitu nahi duzun lekura eta artaziak klikatu. 

• Osagai bat MUGITZEKO klikatu gainean (ertza laranjaz jarriko da) eta sagua altxatu barik, mugitu ezkerrera edo eskuinera. Ertza gorriz jartzen bada mugimendu hori ez da onartzen. 
• Osagai bat KENTZEKO: klikatu gainean (ertza laranjaz jarriko da) eta gainean zaborrontzi baten ikonoan klikatu.
• GOGORATU: Egiten dituzun aldaketa guztiak GORDETZEKO (SAVE CHANGES)

• Bideoa behin amaituta sakatu FINISH

1. Jarri IZENBURUA
2. Ez aldatu agertzen diren bideoaren ezaugarriak.
3. Destinations: aukeratu GEZIA (bideoa ordenagailuan deskargatzeko) eta DRIVE ikonoak. Horrela, zuzenean zure Driveko karpetan gordeko da eta ondoren errazago deskargatu edo partekatu ahalko duzu.
4. Sartu DRIVEN eta hortik nirekin partekatu (leiregonz@laudioinstitutua.net)

Youtubeko bideoak deskargatu

Youtubetik bideo bat deskargatu nahi baduzu:

• Bilatu nahi duzun bideoa.
• Goiko URL-an "youtube" hitzaren aurrean idatzi "ss" eta sakatu ENTER

• Save from net orria zabalduko da:
  
  
  

Sakatu "Descargar / MP4 360" laukian eta pantaila beltz bat zabalduko da (agian iragarkiren bat agertuko zaizu, itxi leiho hori).

Sakatu eskuineko behekaldean agertzen diren HIRU PUNTUAK eta hautatu DESCARGAR

Automatikoki bideoa deskargatuko da zure ordenagailuko "Descargas" karpetan

Abeslariak hodeian

Giza ahotsaren gaiarekin lotutako proiektu bat proposatzen dizuet, eta haren protagonistak, abeslariak. 

Hitz hodei bat sortuko duzue edozein estilotako kantari ospetsuekin. 
Baldintza da haien ahotsak mota berekoak izatea klasean landu dugun sailkapenaren barruan: sopranoa, mezzosopranoa, altua, tenorra, baritonoa eta baxua. 
Emaitzaren adibide bat izango zen:

Jarraibideak:

• Aukeratu ahots-mota bat: sopranoa, mezzosopranoa, altua, tenorra, baritonoa edo baxua. 
• Bilatu interneten 20 abeslari (gutxienez, gehiago nahi badituzue, aurrera!).
• Idatzi haien abizenak edo haien izen ospetsua (adibidez, Beyonce edo Adele) Word edo GoogleDocs dokumentu batean, zerrenda bat sortzen.
• 20 abeslari horietatik gutxienez 5 izan behar dira euskaldunak. 
• Gogoratu edozein estiloko abeslariak izan daitezkeela (opera, rock, pop, folk...).

Sartu hurrengo aplikazioan: WordItOut

Funtzionamendua oso erraza da:

a) Abeslarien abizenen zerrenda testu-koadroan kopiatzen duzue.

b) Sakatu Generate eta hitz-hodeia sortuko da.

c) Letra-mota, koloreak, antolamendua, letra-tamaina … alda ditzakezue. Izan kreatiboak!

d) Aplikazio honekin lan egiteko ez duzue erregistratu behar, baina deskargatzeko zuen posta elektronikoa beharrezkoa izango da. 

Horretarako sakatu Save, idatzi izenburua (Title) (derrigorrez: zuen izena eta abizena) eta behekaldean idatzi zuen institutuko posta elektronikoa (xxxxx@laudioinstitutua.net).  

e) Sakatu berriro Save eta ireki zuen posta elektronikoa. Han topatuko duzue zuen lanaren URLa aktibatzeko. Sakatu lehenengo linka.

f) Konfirmatu ondoren, deskargatu irudia eskuineko "Download" sakatuz.

g) Bidali deskargatutako irudia posta elektronikoz nire postara. 

Animo artistak!!!

Amodioa Musikan

Bilatzen ditugu... Amodioari buruz hitz egiten duten kantek, Amodioa musikaren bidez adierazita.

Musikak eta Amodioak harreman estua dute, batez ere, abestietan. Amodioa gai oso erabilia da kantetan, edozein estilokoak. Ziurrenik mota anitzeko amodiozko kantak ezagutzen dituzuela: ezinezkoa, apasionatua, errefusa... Guk 9 Amodio mota "erabiliko" ditugu ondoren bilaketa musikala egiteko.

Lana egiteko jarraibideak:

1. Definitu (zuen hitzetan) 9 Amodio mota. Idatzi mota bakoitzak sortzen zaituen sentimenduak, emozioak...

2. Interneten bilatu 9 irudi (argazkiak, marrazkiak, ikonoak...) emozio bana irudikatzeko.

3.  Lotu beharko dituzue emozioak eta musika-mota edo abesti zehatz batekin (Youtuben, SoundCloud-en bilatu ditzakezue)

4. Ondoren 9 irudiekin sortu collagea Pizap-en eta Thinglink aplikazioan lotu bideoak. Gogoratzeko zelan erabili bi aplikazioak kontsultatu hurrengo esteka

5. Bidali Thinglink aplikazioaren URLa nire posta elektronikora: leiregonz@laudioinstitutua.net